فضائل قدس اور محافظین مسجد اقصی کے لئے بشارت نبوی ۔

اس  آیت مبارکہ سے معلوم ہوتا ہے کہ مسجد اقصی کے ساتھ ساتھ اس کے ارد گرد کی زمین یعنی شام و فلسطیں کا علاقہ بھی بابرکت ہے - اسی طرح دوسرے مقامات پر بھی وارد ہے ۔

یہ آیات مبارکہ مسجد اقصی کی فضیلت پر دلالت کررہی ہیں اور ایک مقام پر صراحت کے ساتھ رب قدیر مسجد اقصی کی فضیلت کے بارے میں ارشاد فرماتا ہے:

اس آیت مقدسہ میں اللہ تعالیٰ نے حضور صلی اللہ علیہ وسلم کا سفر معراج کا ذکر فرمایا ہے لیکن اللہ تعالیٰ نے آیت مقدسہ کے اس حصے سے اَلَّذِیْ بٰرَكْنَا حَوْلَهٗ: جس کے ارد گرد ہم نے برکتیں رکھی ہیں ۔} آیت کے اس حصے میں اللہ تعالیٰ نے مسجد ِاقصیٰ کی شان بیان فرمائی کہ اس کے ارد گرد ہم نے برکتیں رکھی ہیں دینی بھی اور دنیوی بھی ۔ دینی برکتیں یہ کہ وہ سرزمینِ پاک وحی کے اترنے کی جگہ اور انبیاءِ کرام عَلَیْہِمُ الصَّلٰوۃُ وَالسَّلَام کی عبادت گاہ اور ان کی قیام گاہ بنی اور ان کی عبادت کا قبلہ تھی۔ دنیوی برکتیں یہ کہ وہاں قرب و جوار میں نہروں اور درختوں کی کثرت تھی جس سے وہ زمین سرسبز و شاداب ہے اور میووں اور پھلوں کی کثرت سے بہترین عیش و راحت کا مقام ہے ۔ اسی پاکیزہ سر زمیں کو بیت المقدس کہتے ہیں امام ابن جوزی رحمتہ اللہ علیہ فرماتے ہیں کہ اسے بیت المقدس اس لیے کہا جاتا ہے یہ سرزمین انبیاء علیہم السلام ارو مسلمانوں کا مسکن بنائی گئی ہے -(فضائل القدس)

حدیث پاک میں ہے حضور صلی اللہ علیہ وسلم ارشاد فرماتے ہیں :

۔‘‘ اس حدیث سے معلوم ہوتا ہے کہ مسجد اقصی وہ عظیم مسجد ہے کہ اللہ تعالیٰ اس شخص کو بھی زیادت ثواب سے مزین فرماتا ہے جو شخص مسجد اقصی کی طرف سفر کرکے آتا ہے اور اس عظیم الشان احاطہ نور میں اللہ کے حضور سجدہ ریز ہوتا ہے یعنی (نماز ادا فرماتا ہے) اسی طرح ایک دوسری جگہ بخاری شریف میں آیا ہے

 ۔ یہ حدیث بھی بیت المقدس کی فضیلت واہمیت پر دلالت کررہی ہے اور کیوں نہ ہو افضل اس کا تذکرہ قرآن و احادیث میں متعدد مقامات پر آیا ہے اور یہ مسلمانوں کا قبلۂ اول ہے اور اللہ کے حبیب صلی اللہ علیہ وسلم نے اسی مقام پر انبیاء علیہم السلام کی امامت فرمائی - یہ تمام تر روایات بیت المقدس کی فضیلت کے متعلق تھی ؛

محترم قارئین!اب ہم کچھ باتیں محافظین بیت المقدس کے متعلق ذکر کررہے ہیں اہل فلسطین یا جو بھی بیت المقدس کی حفاظت کے لے اپنی قربانیوں کو پیش کررہے ہیں یہ ان کے لے بڑی خوش بختی کی بات ہے اللہ کے حبیب صلی اللہ علیہ وسلم محافظین بیت المقدس کے لے ارشاد فرماتے ہیں :- اس حدیث میں اللہ کے حبیب صلی اللہ علیہ وسلم محافظین بیت المقدس کے لے بشارت دیتے ہیں کہ کبھی بھی وہ رسوہ نہیں ہونگے اس کا یہ مطلب نہیں ہے کہ وہ شہید نہیں ہونگے بلکہ اس کا یہ مطلب ہے کہ وہ کبھی بھی حق سے پیچھے نہیں ہٹیں گے اور ہمیشہ وہ اپنے موقف پر قائم رہیں گے-اللہ تعالیٰ انہیں اس کا اجر دنیا میں عطا فرمائے گا اور آخرت میں اللہ انکے درجات کو بلند کرے گا--

یہ محافظین بیت المقدس کے بشارت نبوی ہے کہ ظالمین کچھ بھی کرلے مگر وہ کبھی بھی رسوا نہیں ہونگے ،اور کیا بھی، ظالموں نے انتہا پسندی کی حدوں کو پار کردیا جبر و تشدد کے پہاڑ توڑے اس کے باوجود محافظین اپنے موقف پر قائم ہیں اور قیامت تک قائم رہیں گے - 

اللہ تعالیٰ کی بارگاہ میں دعا ہے کہ اللہ تعالیٰ بیت المقدس کی حفاظت فرمائے اور محافظین بیت المقدس کو ظالموں پر غلبہ عطا فرمائے.

 آمين بجاه سيد المرسلين عليه الصلاة والتسليم