پانی اللہ تعالیٰ کی عظیم ترین نعمتوں میں سے ایک ہے جس پر تمام حیات کا دارومدار ہے۔ قرآنِ مجید نے زمین کی شادابی، نباتات کی زندگی اور انسانوں کے بقا کو پانی سے وابستہ فرمایا ہے۔ اسلام نے ماحولیات کے تحفظ اور قدرتی وسائل خصوصاً پانی کو ضائع نہ کرنے کا جو درس چودہ سو سال قبل دیا، وہ آج کے ماحولیاتی بحران میں رہنمائی کا روشن مینار ہے۔
وَجَعَلْنَا مِنَ الْمَاءِ كُلَّ شَيْءٍ حَيٍّ ۖ أَفَلَا يُؤْمِنُونَ
ترجمہ: "اور ہم نے ہر جاندار چیز کو پانی سے پیدا فرمایا، تو کیا پھر بھی وہ ایمان نہیں لاتے؟"
(سورۃ الانبیاء: 30)
پیاسوں کو پانی پلانا: افضل ترین صدقہ
رسولِ خدا صلی اللہ علیہ وآلہ وسلم سے جب افضل صدقہ کے متعلق سوال کیا گیا تو آپ ﷺ نے پانی کے انتظام کو افضل ترین خیرات قرار دیا:
قَالَ سَعْدُ بْنُ عُبَادَةَ: يَا رَسُولَ اللَّهِ، أَيُّ الصَّدَقَةِ أَفْضَلُ؟ قَالَ: «سَقْيُ الْمَاءِ»
ترجمہ: "حضرت سعد بن عبادہ رضی اللہ عنہ نے عرض کیا: یا رسول اللہ! کون سا صدقہ سب سے افضل ہے؟ آپ ﷺ نے فرمایا: پیاسوں کو پانی پلانا۔"
(سنن ابوداؤد: 1681، سنن نسائی)
واٹر پراجیکٹس اور پائیدار فلاح
دیہی علاقوں اور پسماندہ بستیوں میں صاف پانی کا نلکا، ہینڈ پمپ یا واٹر فلٹریشن پلانٹ لگانا صدقہ جاریہ ہے، جس کا ثواب انسان کو اس کے انتقال کے بعد بھی ملتا رہتا ہے۔ کینز الہدایہ فاؤنڈیشن کا واٹر پروجیکٹ دور دراز دیہاتوں تک صاف و شفاف پینے کے پانی کی فراہمی کے لیے کوشاں ہے۔
